براءة طفل لسند مطر

استعرض الموضوع السابق استعرض الموضوع التالي اذهب الى الأسفل

براءة طفل لسند مطر

مُساهمة من طرف عذاري في الإثنين 03 يناير 2011, 6:33 pm




براءة طفل لسند مطر








براءة طفل شدتني وحدتني على الأمثال


تقول الشعر ماهو يعسر الشاعر عن اقواله







إذا شاف الفرح بعيوننا يستوجب الأقول


يجر الصوت متــلهف بفرحتنا بمـــواله








هنا طفلن يحاكيني عن الفرحة بوصف الحال


ضحك لك يازمن مرتاح ماهو شـــاغلن باله









على باب الفرح واقف متى تفتح لنا الآمــال



نبي شيٍ يـــسلي القلـــب ويعبر عن احواله











هنا طفلن يـــتمتم يشــتكي في منطــقه لاقال



يصير الســــين شين وقلبته للحرف منواله











حظيظن يالخطا بلسان طفلن مضحك الأفعال



صغــيرن فيه معنى الصدق والأحقاد ماشاله












هنا طفلن تعطش للفرح ضــامي ولا له نـال



الى ان جـــاه مايســقيه فرحه والضــما زاله











مثل أرضن شكت فقر الربيع ووضعها بمحال



تبي سحبن يصيب الأرض لا من جات هماله









هنا طفلن وقف ساكت شكا صمته مثل تمثال



يبي منهو يغير صـــــحبته بالوقت بضــلاله










لقى احلامه على باب السعاده طالبه مدخــال



يساورها حنـــين الشوق للفـــــرحه بآماله











هنا طفلن حكا لمه عن الفرحه بو جه اطـفال



ييــــمه ماعرفت الــــهم لو الناس حـــماله













يَيمًه لو حــــياة كبارنا مـــضمونها غربــــال



يَيمًه ماشـــكينا جرحهم بالكون واهــــواله










هنا طــفلن حــكا عنه هذاك الدمـع لامن سال



انا طايح ورغباتك بوقف الدمع عن حـــاله











واذا فينا حزينن لا شـــكا صــبره علامه طال



ترا لهفه على الفرحه الى الخـــفاق مدخاله










ترا الفرحه على اشفاه الطفل فيها يطيب الفال




صغيرن لا كــبر يحكي سعاداته لأجــــياله




avatar
عذاري
منسق تابع للإداره
منسق تابع للإداره

عدد المساهمات : 12704
تاريخ التسجيل : 07/08/2010
الموقع : سلطنه عمان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى