عريس من على النت !!!!!!!!!!!!!!! الحلقة الرابعة

استعرض الموضوع السابق استعرض الموضوع التالي اذهب الى الأسفل

عريس من على النت !!!!!!!!!!!!!!! الحلقة الرابعة

مُساهمة من طرف القلب الطائر في الأربعاء 02 مارس 2011, 7:49 pm


الحلقة الرابعة




كاميرا 1...............استعد



كاميرا2...............اجهز






كاميرا 3..................صور




روح انت يا سباعى




اكشـــــــــــن


.....................................................................

جرس الشقة ضرب مرة واحدة

فأسرعت عفاف لفتح الباب

ولكن والدها أوقفها وأخبرها بأن تلزم غرفتها حتى ينادي عليها

ثم فتح هو الباب ليجد شابا وسيم وأنيق ذو رائحة طيبة وابتسامة هادئة

وبيده كيس موز..............!!!!


استبشر حلاوة العنتبلى خيرا ودعاه للدخول

ولكنه أخذ ينظر وراءه فى تعجب لعدم وجود أحد معه

فأغلق الباب خلفه فى عنف وتغيرت ملامح وجهه وهو يقول ............اهلااااااااااا


حاتم: اهلا بيك يا عمي


العنتبلى : خير يابنى؟؟؟؟


حاتم وهو قلق: هى الانسة عفاف ما قالتش لحضرتك إني جاي؟؟؟؟


العنتبلى: اه قالتلنا

بس ماقالتلناش بإن سيادتك هتشرف لوحدك

حاتم: لا ياعمى منا مش جاى لوحدى أنا معايا كيس موز


العنتبلى: لا ياااااااااااااااشيخ كيس موز.......!!!!


الأم: ياما جاب الغراب لأمه ايه التناحه دى


حاتم: طيب يا عمى ندخل فى المفيد


العنتبلى: ندخل فى المفيد

وهو انت متأكد انك جاى تدخل فى المفيد؟؟؟؟

حاتم: أكيد أكيد يا عمي امال أنا جاى ليه؟؟؟؟


العنتبلى: وإن شاء الله هندخل فى المفيد بطولك كدة ولا ايه؟

من غير والدك ولا والدتك ولا عمك ولا خالك ولا أى حد


حاتم: لالالالالالالالالا يا عمي ماتقلقش

ماهو انتوا هتشوفوهم فى الفرح إن شاء الله


وقف العنتبلى مرة واحدة صارخا: نعم يا خوياااااااااا ؟ فرح ايه يا خويا قومى ياد العب بعيد


حاتم: اتفضل بس وأنا هفهمك على كل حاجة ياعمي


العنتبلى: ادينا اتفضلنا اهوووووو نعم؟؟؟؟


أنا ياعمي اسمي حاتم

وعندى 22 سنةو4 أشهر و5 أيام و5ساعات ونص


الأم بعصبية: جرى اااااااايه يابنى انت؟؟؟


كان زمانك اتجوزت وخلفت كمان ده انت خنقه ياجدع


العنتبلى: استنى بس يا وليه لما نشوف اخرتها مع بسلامته ده كمان


حاتم: أنا ياعمي عندى شقة واسعة والحمد لله وجاهزة عالفرش


العنتبلى: اه واللي بعده


حاتم:بس كدا وجاى اطلب ايد الانسة عفاف


طبعا أنا عارف انكم مستغربين إني جيت لوحدى



العنتبلى: الله ينور عليييييييييييييك

هو دة بقى المفيد



وفين الحاج والحاجة؟؟؟؟


حاتم: أصل بصراحه كدا ياعمي

بصراحة .........!!!!

الحاج والحاجة مش مقنتعين بحكاية جوازى من النت دى


العنتبلى صارخا بوجهه : نعم ياااااحبيبى؟؟؟؟؟


هو مين بقى اللي من النت انت ولا احنا؟؟؟؟؟



حاتم: احنا الإثنين يا عمي


العنتبلى: يابني انت هتلخبطنى ليييييييييه بقى؟


أنا جزار مش صحفي


حاتم: طيب وفيها ايه دي يا عمى


طيب ماهو أنا طالب مش صحفى


العنتبلى : وكمان طاااااااااااالب.............!!!!


الأم: امال انت فاكر ايه يا حاج ماهو طالب فى البتاعة دى

اللي بيشتغلوا فيها على الكبورر


العنتبلى: بقولك ايه خشي يا ولية نادي على عفاف


جاءت عفاف بسرعة ووالدها ينظر اليها بغضب



بينما ابتسم حاتم وهو يقول: اهلا يا انسة عفاف


عفاف: اهلا بيك يا أستاذ حاتم



العنتبلى: اقعدى يا عفاف وشوفى المصيبة دى...........!!



عفاف: مصيبة ايه بس يا بابا كفا الله الشر



العنتبلى:قال ايه البيه بيقولى انه طالب



عفاف: أيوة يا بابا منا عارفه ان هو طالب وفي هندسة الحاسبات فى اخر سنة


العنتبلى: نعم يااااااااااااااختى ....؟؟؟


أنا كنت فاكره صحفى



حاتم: صحفى؟؟؟؟


بس أنا ياعمي عمرى ماكنت صحفى ولا هكون



عفاف: استنى بس يا حاتم لوسمحت يظهر إن فيه سوء تفاهم حصل



وفاكرينك صحفى عشان أنا قلتلهم انك بتكتب فى المنتديات



ثم إلتفتت إلى والدها وهى تقول :



يا بابا الأستاذ حاتم بيكتب عالنت مش فى الصحافة



وكتاباته مميزة جدا جدا


العنتبلى: منا عارف إنه بيكتب فى الجرنال


وبعدين يدخل الجرنال فى الشاشة عشان الناس تشوفه عالنت



ااااااااااااايه انتوا فاكرينى جاهل ولا إيه؟؟؟؟؟


حاتم: لا ياعمى العفو....... جرنال بدخله من الشاشه



عفاف: يابابا هو فيه جرنال فى الدنيا بيدخل فى الشاشة بردوا ؟


هو مين اللي قالك كدة؟




العنتبلى: واحد صاحبى متعلم كدا ومتنور ومعاه تالتة إبتدائى



هو اللي قالي إن الأخبار اللي بتشوفوها عالنت


عبارة عن جرايد بيدخلوها من فتحات الشاشة الى ورا


عفاف: تالتة إبتدائى؟؟؟؟؟


يا بابا ....الكلام دة غلط ومافيش جرايد بتدخل من الشاشة ولا حاجة


بالنسبة للأخبار دى عبارة عن كلام مطبوع عالنت


العنتبلى: شوفى يا بنتى إنتى وهو من الاخر كدا


لو فضلتم سنة تتكلموا عن النت دة مش هفهم بردوا


المهم دلوقتى..............


بسلامته بقى والدك مش موافق ليه؟؟



هو احنا مش قد المقام يعني ولا ايه ؟؟


حاتم: لا ياعمى العفو دة شرف ليهم إنهم يناسبوا حضرتك انت وطنط


الأم: طنط؟؟؟؟؟؟؟؟

طنط مين يا ضنايا؟؟؟؟؟؟؟


عفاف: اهدي بس يا ماما هو يقصد إنه يحترمك مش أكتر



حاتم: أيوة طبعا زى ما قالت عفاف كدة بالضبط



الأم: بس معلشى يابنى لا طنط ولا مدموذيل اقولك


قولي يا حاجة أحسن


حاتم: حاضر يا حاجة



العنتبلى: طيب لما هو شرف ليهم مش موافقين ليه بقـــى؟؟؟؟


عفاف: هو يقصد يا بابا إنهم مش موافقين على الطريقة نفسها


يعنى الزواج عن طريق النت


العنتبلى: طب ليه يا بنتى مش دة جواز على سنة الله ورسوله؟



حاتم: أكيد يا عمي بس تقول اااااايه بقى ربنا يهديهم


CUT

ياترى ابو حاتم وامه ربنا هيهديهم ولا ايه اللى هيحصل

منقوووووووووول لما نشوف اية اللى هيحصل استنونا مع حلقة جديدة
avatar
القلب الطائر
منسق تابع للإداره
منسق تابع للإداره

عدد المساهمات : 817
تاريخ التسجيل : 12/08/2010
العمر : 26

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الرابعة

مُساهمة من طرف عذاري في الأربعاء 02 مارس 2011, 8:46 pm




هههههههههههههههه

انتظر التكمله
avatar
عذاري
منسق تابع للإداره
منسق تابع للإداره

عدد المساهمات : 12704
تاريخ التسجيل : 07/08/2010
الموقع : سلطنه عمان

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الرابعة

مُساهمة من طرف monmona في الخميس 03 مارس 2011, 12:00 am

ياريت متتأخريش علينا
مستانينك الحلقه الجايه

monmona
عضو متألق
عضو متألق

عدد المساهمات : 332
تاريخ التسجيل : 26/08/2010

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الرابعة

مُساهمة من طرف tweety في الخميس 03 مارس 2011, 9:08 pm

هههههههههههههههههههههههه
مستنين الباقي متتأخريش علينا
avatar
tweety
عضو متألق
عضو متألق

عدد المساهمات : 343
تاريخ التسجيل : 26/08/2010
العمر : 26

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الرابعة

مُساهمة من طرف القلب الطائر في الخميس 03 مارس 2011, 9:26 pm

عذورة
مونمة
تويتى
نورتم الموضوع وميرسى اوووووووووووووى على الرد والمشاركة وان شاء الله مش هاتاخر
avatar
القلب الطائر
منسق تابع للإداره
منسق تابع للإداره

عدد المساهمات : 817
تاريخ التسجيل : 12/08/2010
العمر : 26

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى