عريس من على النت !!!!!!!!!!!!!!! الحلقة الخامسة والاخيرة

استعرض الموضوع السابق استعرض الموضوع التالي اذهب الى الأسفل

عريس من على النت !!!!!!!!!!!!!!! الحلقة الخامسة والاخيرة

مُساهمة من طرف القلب الطائر في الإثنين 07 مارس 2011, 10:32 pm

الحلقة الخامسة





المهم ندخل فى التصوير عشان مستعجل




اكشن هنصور











العنتبلي: طيب ممكن بقي تقولى ازاي بنتي عجبتك من غير ما تشوفها حتى
يعنى انت أصلا جاي بناءا على ايه؟؟؟؟؟




نظر حاتم إلى عفاف وهو يقول..

حاتم:عجبتنى مشاركاتها يا عمي
مواضيعها وردودها يعني


العنتبلي:مواضيع ايه يابني دي اللي عمال تتكلم عليها أنا مش فاهم حاجه


حاتم : ياعمي اسمعني بس أنا هقول لحضرتك علي كل حاجه


العنتبلي :وادينا سامعين اهو لما نشوف اخرتها ايه


حاتم : بص ياعمي أنا قابلتها أول مرة فى موضوع كان عن السجاير
كلامها لفت نظري اوي


ولقيتها مرة واحدة مشاركة فى موضوع ليا عن الكورة

وأقنعتنى بكلامها إن الكورة دى للفاضيين

ومش ممكن واحد مسلم يكون بيحس بإخوانه فى العراق وفلسطين


يقعد يكتب موضوع عن الكورة ويشجع الأهلي



العنتبلى: اخص عليكي يا عفاف بقى كدا خلتيه يشجع الزمالك بدل الأهلــــــى ؟



حاتم: لا ياعمى ماقصدش دا هيا خليتنى أسيب الكورة نهائي



واشجع الوحدة الإسلامية وبس


دا بعد ما اقتنعت بكلامها طلبت من الموديراتور إنه يقفل الموضوع


و ....!!!

قاطعه العنتبلى: طلبت من مين يا خويا؟؟؟؟


حاتم: الموديراتور


العنتبلى: ويطلع ايه الموتور دة كمان ؟؟؟؟


عفاف: يقصد المشرف يا بابا


يعني اللي بينظم المكان


العنتبلي : طيب


حاتم: المهم بقى ....
بدأت اعجب بيها وأتابع مشاركاتها ومشيت وراها فى كل موضوع تروحه
خرجت من ساحة الشباب للمنتدى السياسى


خرجت وراها لقيتها شاركت فى موضوع عن بوش وشارون قمت شاركت معاها


وشكرتها على مشاركتها ونسيت خالص اشكر صاحب الموضوع الأصلي


رغم انها أصلا كانت داخلة تشكره فشكلى كان نيلة اوووي ساعتها


ولقيتها سابت السياسة وراحت لمنتدي الأخوات فى موضوع تعارف


وأنا كنت ماشى وراها زي المسحور فشاركت بعد مشاركتها على طول


رغم إن الموضوع للأخوات فقط وماأخذتش بالى إلا لما المشرف وقفني


وعلى ما سجلت بإسم جديد مؤقتا لقيتها فى المنتدى العام


بتشارك فى موضوع للنكت فقلت اهو فرصة اكتبلها نكتتين كدا يضحكوها قبل ما تشارك هيا
وفعلا كتبت نكت جامدة اوي وقلت أكيد هتضحك

لقيتها كاتبة عتاب طوووويل عريض لصاحب الموضوع

بإن النكت دى ما يصحش تتقال فى منتدى اسلامى

وبتنصحه إنه يشيل الموضوع ويراجع نيته



لقيتها دخلت منتدى الألعاب ودخلت موضوع شمس وقمر قلت ايه

اهو فرصة نلعب سوا


فدخلت قلت شمس قبل ما هيا تقول قمر


واستنيتها كتيرررررررر تقول قمر بس مفيش فايدة


فقلت لنفسى معقولة دة كله بتكتب ثلاث حروف ؟؟؟؟
ولا يمكن بترسملهم القمر نفسه


المهم بعد 5 دقائق لقيتها رازعة صاحب الموضوع كلمتين


عن المشاركات الهادفة والجد ومراعاة ظروف المسلمين المعتقلين
والمعذبين والمقتولين لغاية ما نفسى غمت عليا


فسحبت كلمة شمس وكتبت بدالها تحيا الوحدة الإسلامية


وقلت البنت دى لازم تبقى من نصيبي


لأنها ايجابية جدااااااا ومحترمة جدااااااااااا




فطلبت ايميلها من المشرف قالي ممنوع



حاولت أقنعه وقلتله ياعم يرضيك ويرضيك ابداااااامافيش فايدة





طبعا الأب والأم قاعدين مسبهلين ومش فاهمين أي حاجة .......


ويستمعون لحاتم ويؤئمون برؤوسهم كأنهم فاهمين



ولكن عفاف كانت تبتسم وقالت:


امال عرفت ايميلى ازاى؟؟؟؟



حاتم: قدراااااااااا


لقيتك كاتباه لواحدة صحبتك قمت اخدته على طووول



العنتبلى وهو متنرفز: بقولك ايه ياد انت ادخل بقا فى المفيد



حاتم: حاضر ياعمى.. انا زى ماقولت لحضرتك انى اخر سنه فى كليه الهندسه و ناوى بعد ما اتخرج هدور على شغل وهشتغل على طول وانا يسعدنى ان عفاف تكون شريكه حياتى



العنتبلى: طب واهلك فينهم؟



حاتم: مش مهم اهلى المهم انا مش انا اللى هتجوز ولا هما؟؟؟ وانا نويت اتجوزها خلاص



العنتبلى : بتقول ايه مش مهم اهلك ؟ اسمع بقا يااد انت


قاطعته عفاف : يابابا


العنتبلى: اسكتى يابت انتى وامشى ادخلى اوضتك


حاتم وهو مرعوب: نعم ياعمى


العنتبلى وقد فاض به: اسمع ياد انت بقى أنا صابر عليك من الصبح وإنت عمال تحكيلى قصة حياتك ولا كأنك صلاح الدين وبعدين عمال تقولي كنت بجرى ورا البت عالنت من موضوع لموضوع لغاية ما قطعت نفسى وجيت اتقدمتلها



حاتم: مش بقول الصراحه ياعمى



العنتبلى: صراحه ايه وكمان جايلى وبدون اهلك اعمل بيك ايه بطولك وداخل بكيس موز ليه انت جاى تزور قرد وعمال تقولى ناوى ناوى بقالك نص ساعه ناوى وعلى ايه مش عارف والمصيبه لسه طالب كمان



حاتم: بس ياعمى


قاطعه العنتبلى: بقولك ايه انا معنديش بنات للجوز واتفضل المقبله انتهت


حاتم: طب نتفاهم بس ياعمى


العنتبلى: بقولك ايه انت هتخرج من نفسك ولا اعلقك زى الدبيحه عندى فى المحل .. اجرى ياوليه هاتى السطور من جوه


حاتم: لالالالالا خلاص ياعمى سلام عليكم



العنتبلى: وعليكم السلام ياسى طالب افندى .... قال عريس من النت قال بكره تجبلى عريس من الانترنت


....................................................


اتمنى تكون القصه عجبتكم

وانتظرونى فى موضوعات قادمه ان شاء الله... وجزاكم الله كل خيرا على المتابعه




وشكرا جدا على المتابعة
منقووووووول
avatar
القلب الطائر
منسق تابع للإداره
منسق تابع للإداره

عدد المساهمات : 817
تاريخ التسجيل : 12/08/2010
العمر : 26

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الخامسة والاخيرة

مُساهمة من طرف سجده في الثلاثاء 08 مارس 2011, 5:25 pm

هههههههههههههههه

مش انا قلتلك يا قلب ؟

بس شكرا علي المسلسل الممتع

تسلمي يا قمر

سجده
منسق تابع للإداره
منسق تابع للإداره

عدد المساهمات : 1079
تاريخ التسجيل : 24/08/2010
الموقع : مــصــــــــــــــــــــــــــر

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الخامسة والاخيرة

مُساهمة من طرف عذاري في الثلاثاء 08 مارس 2011, 7:07 pm




ههههههههههههههههههههههه

يسلمووووووووووووووووووووو

جزاكي الله خيرا


avatar
عذاري
منسق تابع للإداره
منسق تابع للإداره

عدد المساهمات : 12704
تاريخ التسجيل : 07/08/2010
الموقع : سلطنه عمان

الرجوع الى أعلى الصفحة اذهب الى الأسفل

رد: عريس من على النت !!!!!!!!!!!!!!! الحلقة الخامسة والاخيرة

مُساهمة من طرف القلب الطائر في الأربعاء 09 مارس 2011, 12:49 pm

سجدة ميرسى يا قمر اوووووووووى ونورتى الموضوع
عذورة يا حبيبتى
نورتى يا قمر بجد ميرسى اوووووووووووى
avatar
القلب الطائر
منسق تابع للإداره
منسق تابع للإداره

عدد المساهمات : 817
تاريخ التسجيل : 12/08/2010
العمر : 26

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى