يوم أتمنى أن أحياااااااااااااااااااااااه

استعرض الموضوع السابق استعرض الموضوع التالي اذهب الى الأسفل

يوم أتمنى أن أحياااااااااااااااااااااااه

مُساهمة من طرف tweety في الخميس 24 مارس 2011, 8:34 pm

يوم اتمني ان احيااااااااااه

.
.
.
...جلست بعد صلاة الفجر ككل يوم ولكن اليوم ليس ككل يوم....

اليوم قد مر على حياتي الجديدة خمس سنوات مع زوجي وحبيبي في الله


خمس سنوات

نعم خمس سنوات تذوقنا فيهم المعنى الحقيقي للحب....

لم اكن اعرفة اوالقاه فكان زواجنا كما يقال زواج صالونات....

ولكني لم انسى الى الان رجفة قلبي حينما تحدث الي لاول مرة فشعرت وقتها بالراحة والطمانينة....

اشعر الى الان بها كلما تقع عيني علية او يتحدث الي بكلماته الطيبة الرقيقة
.
.
.

"اللهم تقبل يا ام عتريس"...

افاقتني تلك الكلمات التي قالها وهو يمد الي يده ليقيمني من فوق سجادة الصلاة...

فنظرت اليه قائلة: بردة عتريس انت مصر بقى على كدة

....بالله عليك يهون عليك تسمي ابنك عتريس

....فضحك بشدة واستنار وجه واستنارت دنيتي مع ضحكتة الصافية الرقيقة وقال: لا يا ستي ما يهونش عليا

... .بس قوليلي هنا ايه السرحان دة كله؟...

دة انا دخلت وناديت عليكي وانتي والا هنا

....سرحانه في مين يا هانم؟

فابتسمت قائلة: لا ابدا عادي

......متخدتش فبالك ويالا يا فندم الى جدولنا اليومي....

احنا حنضيع الاوقات الثمينة دي في الرغي والا ايه؟

....فنظر ليه نظرة لها مغزى لا اعرفه وفجأة ادار وجه عني وقال: مخدش فبالي.؟... وكمان بضيع وقت ماشي يا ستي براحتك

فضخكت وقلت: يا خرابي على الرجالة
فعلا الراجل طفل بس كبير شوية بس طبعا في سري

....فاقتربت منه ووضعت رأسي على كتفه من الخلف وقلت: هو انا اقدر برضة

....والله ماقصد....انا كنت سرحانه فيك يا فندم......
ولم اكمل كلامي حتى استدار وضمني الى صدرة وقال: بحبك وبس....

بالله عليكي لما واحد يحب مراته....يبقى بيضيع وقت برضة.....دة انتي اكبر نعمة ربنا اديهالي بعد الاسلام طبعا.....وعشان ربنا يديم نعمته تعالي يا ستي نغمل زي كل يوم ونقرا قرأن ونسبح لحد الشروق.....

فرفعت رأسي من على صدرة ونظرت الى عينه وقلت بحنان جارف وحب لا يوصف :حاضر يا حبيبي في الله

وجلسنا نقرأ القرأن يقرأكل واحد مننا ربع حزب وينصت اليه لاخر ويعدل عليه اخطائة

وطبعا كسب هو المسابقة ككل يوم فاخطائي انا اكثر وهو من يصلحها لي

وسرحت قليلا مع نعمة ربي علي وفضلة....وابتسمت....ثم نظرت الى الساعة وقد حان وقت صلاة الضحى

صليت انا وزوجي وعندما فرغنا من الصلاة وخواتيمها قلت: اللهم تقبل.....قوم الحق ناملك ساعة قبل ميعاد الشغل فقال: حاضر وانتي برضة مش حتنامي

قلتله: لا يا حبيبي....لو انا نمت مين حيعمل الاكل ويجهز الفطار ويصحي حضرتك عشان الشغل

يالا متشغلش بالك بيا ونام انت وانا ساعة كدة واصحيك

فنظر لي نظرة يأس مني وقال: والله حرام عليكي طاب بلاش عشانك عشان عتريس....

غاظتني كلمته بشدة وقلت: عتريس.....اممممم.......مااااااااااااااشي واخذت اضربة بكل مخدات الصالون الى ان ادخلته غرفت النوم وتركته ليناااااااام....

واخذت افكر فيما سأصنعه له اليوم....فكما قلت لكم اليوم ليس كأي يوم لابد ان يشعر بالاختلاف وخاصة انه مريض بنسيان كل التواريخ وانا احسن استغلال تك الفرص باعداد ما سيسعدة واتركة حائر في نوع المناسبة....

خطرت لي فكرة ولكنها تحتاج الى وقت....مش مشكلة لن اذهب الى العمل اليوم سأتصل بالدكتور واعتذرله.....

المهم الان هو الاكل....دخلت الى المطبخ وبدأت في اعداد اكثر ما يحبه زوجي من الطعام....ثم جهزت الفطار وذهبت لاوقظة .....

تناولنا الافطار ولاحظ انني لم استعجل ككل يوم فنظر لي مستغربا وهو يتناول الشاي قائلا: انتي مش حتروحي الشغل؟

فقلت: لا ماليش نفس النهاردة وبعدين كنت عايزة اروح لماما...وارجع قبلك....ممكن والا انت شايف ايه؟

فتغير وجعه قليلا وقال: ليه بس؟ المشوار بعيد ومعكيش عربية...فتغيرت معالم وجهي وقلت في استسلام: حاضر...خلاص مفيش مشكلة....

فاقترب مني وقال بحنان بالغ: متزعليش انا خايف عليكي وعلى عتريس احنا في اكتوبر والطريق وحش اوعدك يوم الجمعه اخدك ونروح....

قلتله: خلاص مفيش مشكلة بس خلاص بقى برضة مش حروح الشغل بس ممكن انزل اجيب حاجات من المول ....

وقبل ان يعترض وضعتي يدي على فمه وقلت مستعطفة:والله حروح القريب مش البعيد ومش حشتري حاجة ثقيلة.....

فضحك بشدة وقال: ماشي يا ستي خدي بالك من نفسك

وخرج زوجي الى عملة في حوالي الساعة الثامنة ومن المفروض ان يعود حوالي السابعة مساء هناك وقت كافي لاعداد المفاجأة.....

وقلت لنفسي:امممممم كان لازم اقوله حوار ماما عشان يعترض عشان لما اقوله اروح المول مايعترضتش....الحمدلله تمت اول مهمة اقوم بقى البس واروح المول.....

ذهبت للمول واخذت ابحث عن البرفيوم اللي بيحبة.....

وذهبت للحلواني وحجزت التورتة والصورة اللي عليها.....

ثم ذهبت الى الكوافيرة بتاعتي.....وعدت الى منزلي واخذت اضع بعض اللماسات الانثوية السرية......

واكملت اعداد الطعام الذي يحبة الى ان سمعت الهاتف.....فكان هو ليطمئن علي ويبلغني انه سيتأخر....اصابني الاحباط ولكني لم ابين له اي شئ....

وقلت لنفسي :رب ضرة نافعة اخذت ازين غرفة نومنا وارش المعطر الذي يعشقة فهو اول هدية احضرتها لة اثناء خطبتنا من الحرم النبوي الشريف فهو معطر برائحة البخور وهو نفسة المعطر الذي اغرقت به امي شقتنا ليلة زفافنا....

وهنا خطرت على بالي فكرة ....

دخلت الى غرفة نومنا....واحضرت ما سيفاجئه

اذن لصلاة الظهر....صليت وشكرت ربي كثير على نعمة الزوج الصالح وان ما وهبني ربي اكثر بكثير مما كنت اتمناه او اتخيله....وجلست اقرء القران الى ان اذن للعصروصليت واكملت ما تبقى من الطعام ودخلت غرفة نومي لاغير ملابسي ....

اغلقت انوار الشقة باكملها فيما عدا عدة انوار خفيفة.....

وجلست في الصالون لاكون اول مايراه حينما يدخل المملكتنا الصغيرة

دقت الساعة العاشرة مساء....
ودخل حبيبي من باب المنزل فاصابته الدهشة للحظات وسمعت صوته ينادي علي ثم فتح النور لتقع عيناه علي....

فنظر الي نظرة لاتوصف مزيج من الحب والحنان والدهشة.....وتقدم مني وتعرف على ماالبسة وما يشمة....

وقال: ياااااااااه.....رجعتيني خمس سنين ورا....نفس لبسك نفس رائحة المعطر....نفس ايات القراءن الجميلة (خلقنا من انفسكم ازواجا لتسكونوا االيها وجعلنا بينكم مودة ورحمة) التي ابتدينا بهما حياتنا سوا من خمس سنين......

النهاردة عيد جوازنا...ياااااااااااااة بجد انتي اجمل هدية ونعمة ربنا ايدهالي.......

قاطعته ووضعت يدي على فمه وقلت: ششششششش تعالى معايا وغمض عينك....فتح بقى,

ففتح عينه وقال:ايه دة ايه اللي مكتوب واللي مرسوم على التورتة دة يا مجنونة

دي صورة السونار.......طلعت امتى...فقلت: امبارح بس يا حبيبي واول مالدكتورة قالتلي انه ولد....قلت احطلك صورتة بين صورة زفافنا وكتبلك كل سنة وانت طيب يا ابو عتريس....

ينظر لي زوجي وهو في قمة الدهشة والحب....وقال: انا كمان عاملك مفاجاة انا اول مرة افتكر تاريخ واللي اخرني اني روحت شركة الطيران وخلصت اجراءات سفرنا يا ستي

كنتي بتحلمي من اول ماتجوزنا اننا نوفر كل فلوس زيادة عشان نعمل عمرة

اانا بقى كان عيني على حاجة تانية.....انا حجزت تذاكر سفر للحج السنة دي ومعانا ماماتك كمان

لم اتمالك نفسي من الفرحة واترميت في حضنة وانا في غاية الفرح .....نظرت له بحب شديد وقلت له: ممكن اطلب طلب

قال: انتي تؤمري, فقلت:تعالى نصلي سوا....ممكن؟

فضممني بشدة الى صدرة وقال:....امال انا بحبك ليه عشان بتقري افكاري انا حروح اتوضا....

ذهب هو للوضوء وذهبت انا لاجهز اخر المفاجاءت له واحضرت له هديتي المصحف المرتل على سي دي عشان يحطها في العربية بتاعته بصوت الشيخ اللي بيحبة

قدمتها له بعد مانتهينا من الصلاة والدعاء الجميل الذي اشعر معه بقمة الروحنيات.....

فقال لي: فعلا احلى حب هو الحب في الله والا حلى هو حب الزوجين في الله .....

انا بمووووووووووت فيكي ....وضمنني الى صدرة وقد مرت علينا ليلة بكل العمر

منقووووووول " مما أعجبني"
avatar
tweety
عضو متألق
عضو متألق

عدد المساهمات : 343
تاريخ التسجيل : 26/08/2010
العمر : 26

الرجوع الى أعلى الصفحة اذهب الى الأسفل

رد: يوم أتمنى أن أحياااااااااااااااااااااااه

مُساهمة من طرف سجده في الجمعة 25 مارس 2011, 9:08 pm

يا بنتي دول الحور العين خليكي انتي معانا هنا هههههههههههههههههه والله شكلك هتطلعي من الحزب قريب يا توتي شكلك ناويه علي انشقاق هههههههههه لما نشوف اخرتها . عامة موضوع جميل كالعاده وتسلمي كمان

سجده
منسق تابع للإداره
منسق تابع للإداره

عدد المساهمات : 1079
تاريخ التسجيل : 24/08/2010
الموقع : مــصــــــــــــــــــــــــــر

الرجوع الى أعلى الصفحة اذهب الى الأسفل

رد: يوم أتمنى أن أحياااااااااااااااااااااااه

مُساهمة من طرف tweety في السبت 26 مارس 2011, 6:17 am

ههههههههههههههههههههههههه لا متخافيش يا سجدة
انا من مجلس ادارة الحزب هههههههه
يعني قاعدة قاعدة متقلقيش خالص مني
لا في خروج ولا انقسام ولا انشقاق ولا أي حاجة خاااااااااااالص
اطمني على الاخر يا قمر
avatar
tweety
عضو متألق
عضو متألق

عدد المساهمات : 343
تاريخ التسجيل : 26/08/2010
العمر : 26

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى