عريس في العماره

استعرض الموضوع السابق استعرض الموضوع التالي اذهب الى الأسفل

عريس في العماره

مُساهمة من طرف القلب الطائر في الثلاثاء 04 سبتمبر 2012, 7:36 pm

عريس في العماره - خناقه يوم الجمعه

الحلقه ( 1 )


ماما داخله عليا الاوضه و عماله تصحيني علي الصبح .

ماما : قومي يا حبيبتي قومي يا فراوله قومي يلا

انا : في سري " ربنا يستر " يا ماما لسه الدنيا بدري شويه و هقوم

ماما : لا قومي دلوقتي عايزاكي ضروري و كمان الساعه 11

انا : طيب يا ماما شويه و هقوم اعمل المطبخ و انزل السوق و امسح الحمام و اروق الاوضه حاضر حاضر

ماما : لا مش مهم كل دة انهاردة انا هعمل كل دة

انا : في سري " ماما اتحولت دة كل يوم حضرتك الجيران بيشدوني من تحت ايدك زي سيده الشغاله " خلاص طالما كدة سبيني بقي انام براحتي

ماما : لا قومي و البسي البنطلون الحلو ده و البلوزة الشيك ديه عليه

انا : البنطلون دة مبلبسوش من 5 سنين 5 سنين ... فاهمه ياماما !!

ماما : انا عارفه بس هو حلو خلصي يلا علشان تروحي الصلاه

انا : في سري " صلاه النبي احسن " عايزاني اروح صلاه الجمعه كدة عيزاهم يقتلوني من اول الشارع ؟

ماما : ماهو انتي مش هتدخل تصلي انا عايزاكي بس تنزلي و شويه و تطلعي

انا : ازاي يعني ؟

ماما : ملكيش دعوه و حطي مكياج بدل ما انتي شبه القرد كدة

انا : انا شبه القرد ربنا يسامحك دا انا حته شبه ...

ماما : البواب اكيد

انا : في سري " لو مكنتيش ماما بس :@ ... بواب :@ " طيب يا ماما ماهو دة شكلي و انا نايمه عادي يعني هسرح شعري و ابقي حلوه حاضر

ماما : المهم قومي اعملي اللي بقولك عليه

انا : افهم و هعمل

ماما : و هي مكسوفه فجأه اخدتني بالحضن :D عارفه جارنا اللي في الدور ال 4

انا : في سري " ايوة اديني اديني " ايوة طبعا ماله :D

ماما : بيدور علي عروسه

انا : ها عادي يعني ما يدور :S

ماما : بصي انا واقفه في الشباك من الصبح و هو لسه منزلش خلصي علشان يشوفك و تضحكي كدة ولا اقولك لا لحسن يفتكرك هبله بلاش انتي اعملي نفسك مكسوفه و مؤديه

انا : طيب هو رايح الصلاه اكيد يعني مش هيبص علي واحده لابسه بنطلون لمؤاخذة زي دة

ماما : اومال عايزة تلبسي جيبيه و تبقي استغفر الله العظيم قرد اكتر ما انتي استغفر الله العظيم " و هنا بدات الجيران تسمع و تشترك معانا من الشباك "

بقيت انا وسط الناس يلا دة عنده عربيه دة عنده شقه دة ابيض و حليوه

انا : لا مش هنزل . ماما لا لا لا لا لا يا ماما ها بس

ماما : وصله العياط شوفي انتي بقي عندك 21 سنه و انا قربت اموت دا انا عايزة اطمن عليكي

انا : معلش يا ماما الاعمار في ايد ربنا :D بس انا عايزة اقولك علي حاجة انا عندي 24 سنه :D هو انتي كنتي فين ال 3 سنين اللي فاتوا ؟؟ :D

ماما : كمان بالهوي و انا اللي متشرفه بيكي انك لسه معنستيش :O

ماما : و حيات امك با ***** لو مقومتيش و نزلتي هعمل ****** و هسوي **** و قبليني لو **** و هتتعلقي ****

( انا اسفه كان لازم التشفير كلام ابيح :D )

انا : فبركت دمعتين .... انا موافقه

ماما : شوفي الواحد لما امه تبقي راضيه عنه هيكسب ازاي

و خدتني حضن حنين . يلا يا حبيبتي الراجل زمانه هينزل

انا : ماما انا موافقه انك تعملي فيا اللي قولتيه :D

ماما : قلعت الشبشب و طارت و رايا في الاوضه .. حفاظاً علي كرامتي مش هقول ايه اللي حصلي :D


لـ سارهـ رضا
منقووووووووووووووووووول
avatar
القلب الطائر
منسق تابع للإداره
منسق تابع للإداره

عدد المساهمات : 817
تاريخ التسجيل : 12/08/2010
العمر : 26

الرجوع الى أعلى الصفحة اذهب الى الأسفل

رد: عريس في العماره

مُساهمة من طرف dandana ali في الخميس 06 سبتمبر 2012, 2:38 pm

فى انتظار الحلقة التانية ياقلبى

متابعاكى :)
avatar
dandana ali
منسق تابع للإداره
منسق تابع للإداره

عدد المساهمات : 2398
تاريخ التسجيل : 15/08/2010
العمر : 26
الموقع : مصر

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى